Proiektuak

Gastro Gaztea

Basque Culinary Center-ek 2020an bultzatu zuen ekimen hau, gazteen talentuan, tokiko produktuetan eta jasangarritasunean oinarrituta. Euskadiko lurralde historiko bakoitzeko sukaldari eta lehen sektoreko ekoizle eta
ordezkariak elkartu ziren EAEko hiru probintzietan, hiru jatordu bikain eskaintzeko du, Mantala Basque Gastronomy-ren laguntzarekin.

Topaketak sektoreko profesionalentzat antolatu ziren, eta lurralde bakoitzean dagoen aniztasun gastronomikoaren eta kulturalaren ikuspegi orokor bat eskaini zuten, gazte talentudun eta ekintzaileen proiektu aitortuen bidez. Bizkaiaren bihotzean, Garena jatetxean, non Julen Bazen eta Imanol Artetxeren eskutik sukaldaritza tradizionala eta berritzailea uztartzen diren, Txema Llamosas eta Ivan Abril bildu ziren, Casa Garras eta Kimtxu jatetxeetako sukaldariak, hurrenez hurren, proposamen gastronomiko eta abangoardista bat osatzeko. Arabako hiriburuan, Kromatiko jatetxea aukeratu zuten –Aitor Etxenike da horko sukaldariburua–, Luis Hernani, Mano Lenta jatetxeko sukaldariburua, eta Eneko Otxoa eta Asier Moreira, Ballarin jatetxeko bikotea, biltzeko. Boilurra izan zen protagonista menuan.

Azkenik, Basque Culinary Center-eko ikasleek daramaten Donostiako LABe jatetxean landu zuten beren proposamena Tolosako Ama tabernako ekintzaile Javi Riverok eta Gorka Ricok; Donostiako Geralds Bar-eko sukaldariburu Bella Bowring-ek; Gros auzoko Casa 887 jatetxeko sukaldari apurtzaileek, Antonio Carlos Fontoura buru dutela, eta Rafa Gorrotxategik, gozogintzako belaunaldi berrikoa. Gainera, kalitatezko produktuak eskaintzeko egunez egun lanean diharduten tokiko ekoizleen produktuak aukeratu zituzten beren menuetarako. Gazte talentudun horiekin normalean lan egiten duten ekoizleak dira. Eta horietako batzuk beren produktuen balioa nabarmendu zuten jatordu horietan egon ziren, hala nola Txema Martínez (Arabako barazkiak eta boilurra), Pablo de Oraá (Añanako Gatz Haraneko gatza) eta Alberto Roth (Arabako ardo gastronomikoak).

2020an egindako aurkezpenaren ostean, hainbat ekitaldi egin dira Gastro Gaztea egitasmoaren baitan. Horietako lehena 2021eko urriaren 25ean egin zen, eta “Afaria sei eskutara” izenburupean Ama Taberna, Garena eta Kromatiko jatetxeetako sukaldarien elkarlanean oinarritu zen, LABe Jatetxeko taldearen laguntzaz.

Afaria eta ondorengo solasaldia bertako eta sasoiko produktuen inguruan aritu ziren, eta menuak 7 plater izan zituen, postrea barne: Txarramarroa, Orbisoko Tomate Zopa, Porrua Ama erara, Aingira Zopa, Legatza Ama erara, Mozala Udazkeneko trufarekin eta Mamia Astarber sagar errearekin. Viñedos Hontzako ardoak, Urkizaharreko txakolina eta Astarbeko sagardo naturala eta aparduna dastatu ziren platerekin batera.

Gastro Gaztea ekimenaren bigarren edizioa ere LABe-n ospatu zen 2021eko abenduaren 14an, eta orduan Galerna jatetxeko talentu gazteak, Rafa Gorrotxategi gozotegiko belaunaldi berriak, Infernuko Kortariko Gasnak, Txomin Etxanizen txakolina eta baita anfitrioi gisa aritu zen jatetxeko lantaldeak prestatutako platerak izan ziren protagonista.

Afarian 7 plater zerbitzatu ziren: Tigre Muskuilu Kroketa, Osin Frijituak, Yesako Urtegiko Amuarraina, Tuterako Orburuak Kokotxa eta Pil-pilarkin eta azken bururako Txokolatezko Euskal Pastela Izozkiarekin. Hori guztia Txomin Etxanizen hainbat txakolinekin bustia.